पाल्पा।हरेक बर्षझै यो बर्ष पनि पाल्पा ऐतिहासिक रोपाइ जात्रा मनाइएको छ।जिल्ला भरिका विभिन्न समूहहरुले सस्कृतिको जगेर्ना गर्ने उदेश्यले जात्रा निकालेका थिए।साथै गाइजात्रा बाट सुरु भएर ९ दिन सम्म विभिन्न जात्रा मनाइने पाल्पा मा जात्राको दोस्रो दिन रोपाइँ जात्रा मनाउने प्रचलन रहेको छ।

२० चैत, पाल्पा । अर्थमन्त्री विष्णु पौडेलले बुटबल र तानसेनलाई कम्तिमा आधा घण्टाको दुरीमा रहने गरी सडकको स्तरबृद्धि गरिने बताएका छन् । बुटबल-तानसेन सडकका घुम्तीहरु सुधार गरेर आधा घण्टाको दुरीको सडक बनाउन लागेको उनले जानकारी दिए ।

पाल्पाको तेल्घा गाविस-४ गुफाचौर क्षेत्रमा पुगेर मन्त्री मन्त्री पौडेलले सडक असुरक्षित रहेकोले यस सडकलाई सूरुङ्गमार्ग निर्माण गरेर वा अर्को सडकको विकल्प खाजेर भएपनि छोट्याइने दावी गरे ।

उनले सुनौली, बुटबल, तानसेन, रिडी, बाग्लङ्ग हुँदै कोराला जाने सडकको ट्रयाक खोल्न अब १२ किलोमिटर मात्रै बाँकी रहेको जानकारी समेत दिए । उनले ट्रयाक खोलेर उत्तरदेखि दक्षिण जोडने सडक कालोपत्रे गरिने बताए ।

पौडेलले पाल्पाको मध्य भागको सडक आर्यभञ्याङ्ग, ताहु, रामपुर सडक र हार्थोकदेखि छहरा बल्ढेगढी सडकलाई दुई लेन गरी कालोपत्रे गरिने पनि सुनाए ।

तानसेनको खानेपानीको समस्या समधानका लागि रानीघाटको खानेपानी लिफ्ट गरिने आश्वसन पनि दिए । उनले बुटबल-तानसेन-पोखरा सडक सर्वे गरी नयाँ तरिकाले मर्मत र पुनर्निर्माण गरिने जानकारी दिए । मन्त्री पौडेलले गुफाचौरमा गणेश मन्दिर स्थापना गरी धार्मिक पर्यटन प्रर्वद्धन गर्न सहयोग गर्ने बताए ।
स्रोत-onlinekhabar

्
८ माघ, काठमाडौं । बंगलादेशमा जारी बंगबन्धु गोल्डकप फुटबलको फाइनलमा उपाधीका लागि आज नेपालले बहराइनको सामना गर्दैछ ।
खेल नेपाली समय अनुसार अपरान्ह पौने पाँच बजे सुरु हुनेछ ।
प्रतियोगिताको फाइनल आफ्नो पक्षमा रहने भन्दै प्रशिक्षक बालगोपाल महजर्नले सेमिफाइनलमा नसोचेको प्रदर्शन गर्न टोली सफल भएको भन्दै यही नतिजा फाइनलमा पनि दोहोर्याउन खेलाडी तयार रहेको बताएका छन् ।
मैदानमा नेपाली टोलीलाई उल्लेख्य दर्शकले साथ दिने अपेक्षा रहेको छ । अध्ययनका लागि ढाका पुगेका नेपाली विद्यार्थी तथा बंगलादेश नजिकको छिमेकी भएकोले दर्शकको साथले जितलाई निश्चित गर्न सजिलो हुने महर्जनको विश्वास छ ।
यो प्रतियोगिता जितेर आउनसके नेपाली फुटबलका लागि सकारात्मक सन्देश हुने र फुटबलको विकासमा सहयोग पुग्ने महर्जनको विश्वास छ ।